رواية"كونى لى وطنى" للكاتبة:رؤى صباح مهدى
نبذة تعريفية عن الكاتبتان "هدير الصعيدى - ولاء يعقوب"
الصديقتان " ولاء يعقوب وهدير الصعيدى "يخبرانا عن تجربتهما الكتابة الثنائية
كلمينا عن نفسك اكتر يا هدير ؟
أنا وولاء طالبتنين فى كليه الأداب جامعه المنوفيه قسم الإعلام شعبه صحافه .. بدأنا كتابه أولى روايتنا وهى أسرتى قلبى " الفصل الأول من سلسله آدم وحوا " فى أواخر شهر 7 .. أنا روحت أكلم ولاء إننا نكتب روايه لقيتها بتقولى نفس الموضوع وبدأنا كتابه
هدير مواليد 17 يوينه 1995
ولاء مواليد 1 يناير 1995
كلمينا عنكم أكتر؟
...ولاء بترسم من وهى صغيره وتوقفت عن الرسم بعد وفاه والدها .. وكانت بتكتب قصص قصيره بين الحين والأخر وبتنشرها عندها على البروفايل .. وأنا بحب القرايه جدا والكتابه وبعشق المطبخ وبدأت أكتب مقالات فى موضوعات مختلفه من بدايه عام 2014 على الصفحه الخاصه بيا على الفيس بوك بعنوان "ملعون أبوك يا سكوت " ومازالت مستمره فى الكتابه بها
متى بدأتما الكتابة ؟
إحنا بدأنا نكتب الروايه فى أواخر شهر يوليو سنه 2016.
ما أنواع الروايات المفضلة لكما ؟
وأنواع الروايات اللى بنحب نقرأها إحنا الإتنين هى الرعب والرومانسى والروايات اللى فيها غموض وإثاره
ما روياتكم االمشتركة؟
والروايات اللى كتبناها هى أسرتى قلبى ( الفصل الأول من سلسله آدم وحوا .. مستوحاه من أحداث حقيقيه ) وعشقتك فتمردتى ( الجزء التانى من أسرتى قلبى .. وده من واقع خيالنا ) وحكايتنا ( مواقف من واقع حياتنا ) وهى عباره عن مواقف مختلفه مستوحه من أحداث حقيقيقة
بسمة محمود تحاور الكاتبة الشابة "ياسمين عادل"
نجمة سطعت فى سماء الأدب ....قلم مميز ...تسبح بنا فى عالم من الخيال ....عالم ملئ بالرومانسية
قرأت لها "لعنة الحب والكبرياء" سحرنى قلمها فأصبحت أتابعها بشغف انتظر حلقات روياتها بفارغ الصبر
انها المميزة دوماً الكاتبة الشابة"ياسمين عادل"
ياسمين عادل دا اسمك الحقيقى ولا شهرة؟
ياسمين عادل خليل 21 سنة
من فين يا ياسمين ؟
من مواليد القاهره 1995 طالبه جامعيه بالفرقه التالته جامعة حلوان كلية الخدمه الاجتماعيه
متى بداتِ الكتابة؟
_بدأت كتابه من سنه و3 شهور أول مره فكرت ألف فيها كنت في الرحله الأعداديه ، شاركت في مسابقة المدرسه للقصه القصيره عن 6 أكتوبر .. لكن مفكرتش أنمي الموهبه دي الا من سنه و3 شهور
مين أكتر حد شجعك على الكتابة؟
_أول واحده شجعتني علي الكتابه هي أمي ، لأنها من هواة القراءه .. وحديثا قرر بابا أنه يتابع أخبار كتاباتي أول بأول رغم عدم أقتناعه بالموهبه دي في بداية الأمر
ما أسماء أعمالك الأدبية ؟
_ كتبت قصتين قصيرتين وسبع روايات ، منهم روايه أتنشرت ورقي بعنوان '' خائنه غيرت حياتي '' وروايه أتنشرت علي موقع البوكر للنشر الألكتروني بعنوان '' لغنة الحب والكبرياء '' _ القصتين القصيرتين بعنوان '' أحبك بصمت '' و '' الدميمه '' _ الروايات بالترتيب كالأتي / سأحطم غرورك عشقت روحك خائنه غيرت حياتي لعنة الحب والكبرياء مليكة الوحش أعشق مدللتي وكر الملذات _ أقرب الروايات لقلبي وأحبهم ليا هي رواية '' مليكة الوحش '' وده لأني بذلت فيها مجهود كبير جدا وأستغرقت مني وقت كبير عشان أرتب أحداثها ، بجانب أنها أنجح رواياتي هي ورواية '' أعشق مدللتي ''
مين أكتر الكتاب اللى بتحبى تتابعيهم وتقريلهم؟
_ من الكتاب والمؤلفين اللي بحب أقرالهم وأتابع أعمالهم الكاتبه الزميله '' منال سالم '' والكاتبه '' سعاد مصطفي '' والكاتب '' حسن الجندي '' والكاتبه '' دعاء عبد الرحمن ''
_ بعض المقتطفات العزيزه عليا من الروايات اللي كتبتها ( حب وأعترف للي بتحبهم ، ممكن بكره ييجي أو ميجيش عشان تعترف بالحب ده ) '' أحبك بصمت '' ( أنا مش بس مستعد أعافر عشانك ، أنا مستعد أقاتل عليكي وأحارب اللي يرفض وجودك في حياتي .. متسيبنيش ، مش هتلاقي حد يعافر عليكي زيي) '' مليكة الوحش '' ( مصيرك أرتبط بمصيري ، عارف أنك هتكوني نهايتي .. ومع ذلك راضي بوجودك في حياتي) '' مليكة الوحش '' ( عارفه الدوله ، أنتي كده .. أنتي بيتي وأنتي دولتي ، وأنا مواطن عنده أنتماء ومستحيل يفكر في الهجره) '' أعشق مدللتي '' ( ياطفلتي ، أنتي بأرض الغرام دولتي ) '' أعشق مدللتي '' ( أنتي ماسه نادره ، وسط موج البحر مفقوده) '' وكر الملذات '' ( من أول مره شوفتك فيها وأنتي خطفتي قلبي وقفلتيه ، وخليتي المفتاح معاكي أنتي بس ، وكأنك حرمتي عليه حب بنات حوا كلهم ما عدا أنتي .. ساعتها بس لقيت النص اللي ناقصني ، اللي هو أنتي ) '' وكر الملذات '' ( ملعون أبو الكبرياء اللي يخليني بشوفك قدامي وعاجز عن أني أخدك في حضني) '' لعنة الحب والكبرياء '' ( مش قادر أبطل تفكير فيها ، وكأن حبها لعنتي ) '' لعنة الحب والكبرياء ''
الصفحة الرسمية للكاتبة "ياسمين عادل"
روايات بقلم الأميرة ياسمين
صدر هذا العام للكاتبة أول عمل ورقى لها رواية"خائنة غيرت حياتى " وشاركت بها فى معرض القاهرة الدولى للكتاب
الاشتراك في:
الرسائل (Atom)
